Sut i ddefnyddio’r Cymharydd Troseddau a Phlismona
Mae Cymharydd Troseddau a Phlismona’r HMIC yn eich galluogi i gymharu’ch heddlu gydag unrhyw heddlu arall, neu gyda phob heddlu yng Nghymru a Lloegr. Mae yna bedwar maes i’w cymharu: troseddau a gofnodwyd, ansawdd gwasanaeth, cyllid yr heddlu a niferoedd gweithlu. Mae gan bob ardal ei siart rhyngweithiol ei hun ble gallwch ddewis pa wahanol gategorïau – megis mathau o droseddau neu wybodaeth staffio – i’w cymharu.
I ddechrau, dylech sgrolio i lawr i’r siart y mae gennych ddiddordeb ynddi a defnyddio’r gwymplen ar ochr chwith y sgrin i ddewis categori.
Esiampl 1.
Nesaf, defnyddiwch y cwymplenni ar ochr dde’r sgrin i ddewis pa heddluoedd yr hoffech gymharu.
Esiampl 2.
Er enghraifft, gallech greu’r siart isod trwy fynd i’r siart troseddau ac ymddygiad gwrthgymdeithasol a gofnodwyd a dewis i weld yr ystadegau byrgleriaeth yn Avon a Gwlad yr Haf a Chaint.
Esiampl 3.
Gallech greu’r siart nesaf trwy sgrolio i lawr i Ansawdd gwasanaeth, dewis gweld yr ystadegau ar gyfer siopladrad a ddatryswyd a phenderfynu cymharu Cumbria a Gwent.
Esiampl 4.
Os oes gennych ddiddordeb yng nghyllid yr heddlu, gallwch ddewis gweld costau goramser swyddogion heddlu a chymharu Swydd Gaerlŷr gyda heddluoedd eraill yng Nghymru a Lloegr.
Esiampl 5.
Mae’r siart yn rhoi gwybodaeth ar niferoedd Gweithlu, megis faint o swyddogion cymorth plismona cymdogaeth a gyflogir gan eich heddlu. Ewch i’r siart niferoedd Gweithlu a dewis eich categori a heddluoedd.
Esiampl 6.
Gallwch hefyd ddewis newid y pedwar siart ar unwaith. I gymharu dau heddlu ar y pedwar siart, defnyddiwch opsiynau’r gwymplen ar frig y dudalen a chlicio ‘Defnyddio pob siart’. Yna bydd hyn yn diweddaru’r pedwar siart ar y dudalen.
Esiampl 7.
Mae yna ddolenni ar bob siart sy’n darparu mwy o wybodaeth ar eich heddlu: cliciwch ar y rhain i weld beth sydd gan yr heddlu ei hun, neu ei awdurdod heddlu, neu HMIC, i ddweud. Gallwch hefyd roi adborth i ni ar y siartiau trwy glicio ar y ddolen ‘Dweud eich dweud ar y siart hwn’.